| 日與夜的交替，不只是日落月出般簡單， 同時也是我們情感與思想的轉換時刻。 有沒有發覺白天的自己跟晚上的自己可以是兩個完全不一樣的人？ 若然有，你較喜歡哪個自己？ 日間跟人打交道時健談、率直開朗的自己？抑或夜裏獨個兒時寡言、深藏不露的自己？ 倘若你在黑夜會渴望白晝有的說話歡笑聲，你應是前者。 相反，如果你在白晝會懷念黑夜有的沉鬱與寧靜，你應是後者。 我自己便是後者。 當白天面對熱鬧的時候，會突然希望黑夜趕快降臨，好讓自己能夠快點融入黝暗的幽靜世界。 前者則會，當晚上獨自一人的時候，想黎明立即到來，好讓自己可以重獲與人相處時的安全感。 好了，不說太多了，希望大家可以重新認識到自己啦！ |
| |
| (續上回)心鎖的確係牢不可破，但只限對被困者﹔對於鎖嘅主人來講，只要佢地嘅內心有些少動搖，把鎖就會即刻解開。」另一個我回答。 我望住佢，完全唔知講咩好。 「你剛才閃過質疑你自己嘅念頭，已經足以將我解放。」另一個我續道。 「你想點？」我問。 「我想攞番我應得嘅一切。」答得好爽快。 我不明所以，以疑惑嘅目光望住佢。 「由你禁錮我、取代我嗰一刻開始，你就應該預咗會有今日。」另一個我話。 「你究竟係邊個？」我問。 「我係真正嘅你。」 「有乜可能？」我反問。 「其實你只係我創造出來嘅另一個自己，原本我都將你控制得幾好，點知我一次錯誤嘅決定，令你有機可乘，反客為主。」另一個我解釋。 我啞口無言，記憶中都好似有過呢一幕---我對住另一個我話﹕「你既然咁想收埋自己，我就成全你 la！」我將佢埋藏喺內心深處，一直相安無事至今。 「你決定要做番你真正嘅自己 la？」我微笑著問。 「冇錯。」另一個我微笑著回答。 「咁我走 la！第日有需要再揾我。」我的身體慢慢開始消失。 「應該唔會 lu。點都好，好多謝你，多謝你提醒咗我。」另一個我伸手。 我同佢握手之後，身體終於完全消失，一D痕跡都冇留低。 |
| |
| 2個幾月無打過XG，因為之前嗰段時間完全冇開過電腦，到近期先重開。 其實我都唔係好知我究竟有咩想講，因為好多時D嘢我都係諗完就收番埋， 冇乜幾可同第2個人講。 整整吓我好似變到唔同人講我真正想講嘅嘢，淨係一味講佢地想傾嘅嘢。 「咁係咪叫做違背良心呀？」我問自己。 「可能我係一個怕鬧交嘅人，所以唯有迎合現實啦！」自己答。 「呢種根本唔係迎合，而係逃避。」另一把聲音響起。 「邊個？係邊個喺度講嘢？」我問。 聲音的主人現身，「你唔認得我 la？」 「點...點...點會係你 ga？我唔係已經將你困住咗 ga la咩？」我望住眼前呢個同自己生得一模一樣嘅人，驚到唔知講咩好。 我再問自己，「之前你唔係已經將佢用心鎖困住咗 ga la咩？點解佢會出到嚟 ga？」 「呢層...」自己開始吞吞吐吐。 「冇錯，心鎖的確 |
| |
| 首先，喺度講聲唔好意思，上次話「明天繼續」，都冇咗件事。 呢排D感覺好混亂，唔知自己諗乜同想點，一個字，煩 !  好似有3度門喺我面前，揀又唔係，唔揀又唔係，想是但開又唔得，好複雜‧‧‧ 好想有人教我點做，但心裏面好清楚，一定要自己解決，唉！ 成績表派咗，都ok，同上學期差唔多，慶幸冇乜驚，仲有D喜，以我嘅學習態度，係咁上下啦！ 希望下年可以超越而家嘅自己，喺各方面都更上一層樓。 |
| |
| 由上次exam完直到今次exam完，都無打過一篇XANGA，我都唔知點解我可以丟低佢咁耐‧‧‧ 其實我都無乜嘢好講，可能有嘅，或者我唔記得咗，不過就算有都應該係關於呢年 ga la！ 唔好意思，好累，明天繼續‧‧‧ |
| |
